Du må være innlogget for å få tilgang til alle nyheter! Logg inn eller opprett brukerkonto.

Løft blikket

Evakueringa har starta. Dei som har fast opphald på øya har sett kursen sørover. Der kan dei klaga si naud til vener og kjente.

Tekst:

Publisert:

Oppdatert:
16.12.2008 kl 11:20

Over at det ikkje har vore mjølk på butikken eit par dagar, og når ho er der er ho for dyr. På at husprisane er så høge, og leigeprisane endå høgare og på raudnebbternene som har erobra strandkanten. Kva hjelper vel eit par korger med stikker når dei legg egg akkurat der ein hadde tenkt å gå?

Det kan vera me treng hjelp for å sjå det gjennom tåka av nye reguleringar og lover og byråkrati og turistar og hus som sperrar for utsikten, men det gode liv er rett utanfor vindauga våre.
«Vi tiltrekkes av det grønne og av vann – miljøer som har gitt overlevelsesmuligheter helt tilbake til den tiden da vi utviklet oss som art. Å bruke sansene og kroppen ute i naturen gir glede. Ute i skog og mark henter vi den energi som vi trenger i en ellers stresset hverdag», skriv psykolog Kari Vigeland i ein artikkel om kva behov som utgjer fundamentet for eit godt og meiningsfullt liv. Og me ligg godt an her oppe for ho meiner at sjølvrealisering er viktig. Og friluftsliv med fysisk aktivitet og bruk av sansane. Tilfredsstilling og utforskartrong og det å vera nyfiken og å meistra utfordringar. Å realisera evnene sine.

Hjelpa kan vera nettopp å setja seg på flyet til fastlandet. Stå i kø for å få bagasjen. I kø for å gå på do, for å koma inn til byen og for å kjøpa mat. Til diskusjonar om kva sko ein skal ha på seg på byen, sminke, hårfarge og shopping. Til voksing av bikinikanten, solkrem og klamme prøverom. Til myggestikk, rennande auger og pollenallergi.

Det bør vera hjelp nok til å sjå at lukka er å skriva seg inn i turboka ved Ørneredet i Hiorthfjellet. Å padla til Grumant for første gong, eller å meistra turen frå Ymerbuka til Ny-Ålesund på ski. For nokon kan lukka vera late fluger på solvarme husveggar, om ein er kongeleg fins ho kan hende på Fredheim. Med kaklande gjess, men utan knatrande telelinser. Lukka kan vera så enkel som å ta ein gamal mauser på ryggen og setja seg på ein stein i fjellsida. Høyra suset og latteren frå alkekongane. Sjå på fastlandsflyet som fyk forbi og vera glad for at ein slepp vera med ned.

Ta på fjellsko og gå over tåka.

Siste nytt i Nyheter

Elleville scener for hundreåringen

Et imponerende show, en porsjon nakenhet og god trening for lattermusklene da Longyearbyen gratulerte Store Norske med 100-årsdagen i går.

Mistet broren i gruva

Frank Robert og Bent Jakobsen mistet broren Geir Arne Jakobsen i en gruveulykke i 1991. Torsdag avduket de minnesmerket.

Verdig og rørende markering

Brødrene Bent og Frank Robert Jakobsen mintes sin bror Geir Arne og de 123 omkomne da de avduket minnesteinen i ettermiddag.

Ble hørt av politikerne

Ungdomsrådet føler de har blitt hørt etter at sentrumsplanen er lagt fram. Nå ønsker de ny flerbrukshall.

Vil overvåke nøye i vinter

NVE starter opp den lokale skredvarslingen for vinteren når snøen kommer.

Får endelig ro til barndomsboken

Tone Nødtvedt har dratt fra mann, datter, katt og hus i Bergen for å skrive om å vokse opp i Longyearbyen på 1950-tallet.

Annonse
Annonse
Do NOT follow this link or you will be banned from the site!