Du må være innlogget for å få tilgang til alle nyheter! Logg inn eller opprett brukerkonto.

Kven skal skimaratonet vera for? Dei betalte kjendisløparane som kjem oppover? Maraton-fantastar?

 

Leder:

Kven skal skimaratonet vera for? Dei betalte kjendisløparane som kjem oppover? Maraton-fantastar?

Litt pusterom, takk

Tekst:

Publisert:

Oppdatert:
12.05.2016 kl 15:26

Førre fredag kom hurtigruteskipet «Fram» fløytande inn Advent­fjorden for første gong denne sesongen. Dei første cruise­turistane tok bilete av julenissepostkassen. Laurdag morgon ei dame med knall grøn jakke og rosa lue. Klikk, klikk, og eit stort smil i sola. Samstundes sette guida følgjer kursen inn dalen med tommelen på gassen og snøsprut bak beltet. Kondomkledde kvinner og menn staka seg bortetter sletta i Todalen på lette, tynne ski.

Den eine sesongen går over i den andre. Mellomsesongen er på veg bort. Av og til må også dei lokale få litt pusterom. Skiløypene i Todalen var ein stad ein kunne puste. Utan våpen og med matstasjonar undervegs.

Men med over 870 løparar i løypa må ein stokka føtene sine vel. Då løpet vart FIS-renn i fjor, vart det uttrykt ønske om å korte ned på tida løparane kunne nytta på turen. Tidlegare hadde dei åtte timar på seg før arrangørane henta dei inn. No er det 5,5 timar for dei som går turrenn og 5 timar for dei som går på tid, ifølge programmet. Det kan bli knapt for dei som ikkje er fødde med karbonski på beina.

Kven skal Svalbard Skimaraton vera for? Dei betalte kjendisløparane som kjem oppover? Maraton-fantastar frå fastland og utland? Arrangørane? Folk i Longyearbyen?

Årets arrangement hadde noko for alle. Vêret var knall. Løparane mange, smila store og ingen vart henta inn frå løypene utan at dei sjølve ytra ønske om det. Så er det berre å håpe at dei som ynskjer å teste seg sjølve, eller berre kose seg i løypa, får mogelegheit til å gjennomføre maraton også i framtida. Sjølv om dei nyttar 6,5 timar på turen.

Og tilbake til pusterommet. Nokon foreslo at det burde opne ein sommarkafé i cruisesesongen. Det er ein god idé. Gjerne i Sjøområdet med uteservering, utsikt mot fjorden og god kaffe.

Nøkkelord

Siste nytt i Leder

Skulle ikke skje

Hvis ikke de som sitter med ansvaret kan berolige folk med eksisterende varsling må de finne nye og bedre varslingssystem.

Jubilerer med storfeiring

Sykehuset har både før og nå stor betydning for de som bor eller besøker byen. Det betyr trygghet for egen og andres helse.

Ut av dvalen

Det er få eller ingen små lokalsamfunn på størrelse med denne byen som kan vise til en slik lang liste med kultur- og sportsarrangement gjennom året.

 
Må ta lærdom

De to timene ute på havet i en båt som tok inn vann opplevdes som veldig dramatisk for de som var med, dette skulle aldri ha skjedd.

Kina ser mot Svalbard

Kinas posisjonering i nordområdene og Arktis er en utvikling som Norge bør følge våkent med på og ivareta sine interesser.

Bjørnen sover Ikke

I ettertid må vi være veldig glad for at isbjørnbinna og de to ungene møtte på en erfaren bjørnekjenner som selv ordnet opp og jaget bjørnene ut av boligområdet.

Annonse
Do NOT follow this link or you will be banned from the site!